Քիչ առաջ, կառավարության շենքի մոտից ոստիկանները անակնկալ ձեւով սկսեցին բերման ենթարկել մարդկանց։ Լրագրողների հարցերին՝ ի՞նչ պատճառով են բերման ենթարկում, ոստիկանները հորդորում էին դիմել՝ լրատվական բաժին։
«Լավ տեղյակ եք, հարցեր մի տվեք»,- այսպես արձագանքեց բարձրաստիճան ոստիկաններից մեկը՝ պատգամավոր Գառնիկ Դանիելյանի հարցին։ Ի դեպ, նրան ևս հորդորում էին՝ ոստիկանության լրատվական կենտրոնից տեղեկանալ, թե ինչո՞ւ են բերման ենթարկում ցուցարարներին։
Ապա ոստիկաններից մեկի եւ պատգամավոր Գառնիկ Դանիելյանի միջեւ լեզվակռիվ սկսվեց։ «Իմ վրա մի գոռա, չգոռաս»,- նետեց ոստիկանը պատգամավորին, երբ վերջինս փորձում էր հասկանալ, թե ինչո՞ւ են մարդկանց բերման ենթարկում։
Կարդացեք նաև
ՆԳՆ ոստիկանության պարեկային ծառայության պետ Արթուր Խուդինյանն էլ հայտարարեց, որ ոստիկանությունը հաղորդագրություն կտարածի եւ բերման ենթարկվածների մասին տեղեկություն կտրամադրի։
Գառնիկ Դանիելյանը վերջինիս դիմելով ասաց՝ մարդկանց բերման ենթարկելիս պետք է բացատրեք թե ինչո՞ւ եք բերման ենթարկում։
«Ուրեմն դրա անհրաժեշտությունը եղել է»,- պատասխանեց Խուդինյանը։
Կառավարության մոտից 3 անձ ՎԻՎ օրենսգրքի 182 հոդվածով նախատեսված արարքի համար բերվել է ոստիկանություն:
Մանրամասները՝ տեսանյութում
Նելլի ԳՐԻԳՈՐՅԱՆ
