«Այս պահին մենք միասին արձանագրեցինք որպես մեր փոքրիկ ուղերձը, որ Հայաստանի Հանրապետությունը դժբախտաբար կառավարություն ու ղեկավար չունի։ Այսպես ոստիկանական պատով սեփական ժողովրդից պաշտպանվելը դա հենց դրա մասին է»,- հայտարարեց «Տավուշը հանուն հայրենիքի» շարժման առաջնորդ Բագրատ սրբազանը։
Հիշեցնենք, որ «Տավուշը հանուն հայրենիքի» շարժումը չկարողացավ նախօրոք հայտարարած հանրահավաքն անցկացնել Ազատության հրապարակում, քանի որ նիկոլ Փաշինյանի այցի կապակցությամբ Ազատության հրապարակ տանող բոլոր ճանապարհները ոստիկանական ուժերի կողմից փակվել են։
Կարդացեք նաև
«Սա այն մասին է, որ այս ամբողջ շարժումն իր կարեւորագույն ազդեցությունն ունի բոլոր տեսակի գործընթացների վրա՝ դրանք լինեն երկրի ներսում, թե ընդհանրապես արտաքին հարաբերությունների մեջ։ Ես անընդհատ սա ասում եմ՝ մեզ վախեցրել են՝ ասելով, որ դուք ոչ մի բանի ընդունակ չեք, ոչինչ չեք կարող անել, անզոր, անկամք, վախկոտ ու անինքնասեր մարդիկ եք։ Սա են ներմուծել մեր կյանք, բայց դուք այս օրերին հակառակն եք փաստում, ժողովուրդ ջան, որ դուք մերժում եք այդ ամենը, մերժում եք անզոր լինելու այդ թույնը։ Եվ փաստում եք՝ ասելով, որ քանի մեր չքնաղ երկրում իշխանության ղեկին այս մարդն է, ինքը պետք է հանգիստ չպտտվի այս քաղաքում, ինքն անընդհատ պետք է լսի, որ սուտ է խոսել, խաբել է, մոլորեցրել է եւ այդ խաբեությամբ է եկել իշխանության»,- ասաց Բագրատ սրբազանը։
Ռոզա ՀՈՎՀԱՆՆԻՍՅԱՆ
