Ինչպե՞ս եք տեսնում Նիկոլ Փաշինյանի հեռացման եղանակը՝ «Gallup International Association»-ի՝ «Տավուշը հանուն հայրենիքի» շարժման վերաբերյալ հարցումների ժամանակ հարցված քաղաքացիների 30,6%-ը պատասխանել է՝ հրաժարականի միջոցով, 9,3%-ը կարծիք է հայտնել, որ Փաշինյանի հեռացումը հնարավոր է ԱԺ պատգամավորների կողմից անվստահություն հայտնելու ճանապարհով, ըստ 8,4%-ի՝ դա հնարավոր կլինի դատախազության կողմից սանկցիայի կիրառման, ձերբակալման միջոցով:
Հարցվածների միայն 19,1%-ն է կարծում, որ Փաշինյանը չպետք է հեռանա, իսկ 28,2%-ը դժվարացել է պատասխանել հարցին: Նշենք, որ այս հարցն առաջարկել էր հասարակական, քաղաքական գործիչ Էդգար Ղազարյանը:
Ո՞ւմ են տեսնում անցումային կառավարության ղեկավար՝ վարչապետ: Այս հարցին հարցվածների 6,7%-ը պատասխանել է՝ Բագրատ Սրբազանին, 2,7%-ը՝ Ռոբերտ Քոչարյանին, 2,2%-ը՝ Վարդան Ղուկասյանին, 2%-ը Արման Թաթոյանին, 1,5%-ը՝ Սերժ Սարգսյանին, իսկ 1%-ը Ռուբեն Վարդանյանին:
Գոհար ՀԱԿՈԲՅԱՆ
