Ոստիկանության հատուկ նշանակության գումարտակի ծառայողները ուժ են կիրառել ցույցերը լուսաբանող լրագրողների նկատմամբ

Ոստիկանության Հատուկ նշանակության գումարտակի ծառայողները (կարմիրբերետավորներ) այսօր ուժ են կիրառել անհնազանդության ակցիաները լուսաբանող լրագրողների նկատմամբ։

Կարմիրբերետավորների գործողություններից տուժել են 24news․am կայքի լրագրող Մերի Մանուկյանը և ABCmedia.am-ի օպերատոր Մհեր Դավթյանը։

Նախ՝ ոստիկանության աշխատակիցներից մեկը հրել է օպերատորին, ապա տեսնելով, որ վերջինս ընկել է աստիճաններին՝ առանց հետ նայելու հեռացել է։

Կարդացեք նաև

Մերի Մանուկյանի հետ այցելինք քննչական, ճանաչվեցինք տուժող մայիսի 13-ի միջադեպով նախաձեռնված քրեական վարույթով․ Ռուբեն Մելիքյան

• 15:48 18.05.2024

ՆԳՆ-ից պահանջում ենք գործուն միջոցներ ձեռնարկել զանգվածային ակցիաների ընթացքում լրագրողների և օպերատորների անխոչընդոտ աշխատանքն ապահովելու, նրանց դեմ բռնությունները բացառելու ուղղությամբ. ՀԿ-ներ

• 20:10 13.05.2024

Վե՛րջ տվեք երկակի ստանդարտների կիրառման պրակտիկային. Հայաստանի ժուռնալիստների միությունը խստորեն դատապարտում է և կոչով դիմում ՆԳՆ ղեկավարությանը, քննչական կոմիտեին

• 15:40 13.05.2024

Ավելի ուշ կարմիրբերետավորները ուժ են կիրառել 24News-ի լրագրողի նկատմամբ, ինչի հետևանքով Մերի Մանուկյանը կորցրել է գիտակցությունը։ Նա հոսպիտալացվել է։

ABC media-ի և 24news-ի խմբագրությունները դատապարտում են ոստիկանության անթույլատրելի գործողությունները, լրագրողի մասնագիտական գործունեությունը խոչընդոտող արարքները և համապատասխան բոլոր կառույցներից պահանջում քննության առարկա դարձնել կատարվածը։

Հայտարարությունը բաց է միանալու համար։