«Տավուշը հանուն հայրենիքի» շարժման առաջնորդ՝ Հայ Առաքելական Եկեղեցու Տավուշի թեմի առաջնորդ Բագրատ արքեպիսկոպոս Գալստանյանը մտավ Կոմիտասի անվան կոնսերվատորիայի շենք։
Կրթական հաստատության շենքի դուռը փակ էր, Բագրատ Սրբազանը հայտարարեց, որ ինքը Կոնսերվատորիայի դասախոս է, հիմա մուտք կգործի շենք։ Նա մուտք գործեց շենք եւ ուսանողների հետ զրուցեց։ Ուսանողներն ասացին, որ իրազեկման միջոցառում են իրականացնում․ «Սրբազան հայր, մենք իրազեկում էինք անում, պատրաստվում էինք իջնել ու միանալ ձեզ»։
«Շարունակեք իրազեկումը, մենք գնում ենք մյուս բուհերը, միացեք մեզ, սպասում ենք։ Կոնսերվատորիայի սիրելի ուսանողներ եւ դասախոսներ, դուք այս միջանցքներում ինձ շատ եք հանդիպել, բոլորդ առանձին-առանձին մոտեցել ասել եք՝ ի՞նչ է լինելու մեր երկրի վիճակը, Սրբազան, ասա ի՞նչ անենք։ Հիմա ասում եմ ձեզ՝ միացեք»,- ասաց Սրբազանը։
Նա հավելեց․ «Այս պահին բավական մեծ թվով մեզ կմիանան Կոնսերվատորիայի ուսանողները։ Այս պայքարի յուրահատկությունը դուք եք, սիրելի ուսանողներ։ Ես ուրախ եմ, որ դուք այնքան բարձր գիտակցություն ունեք, որ ամեն ինչ մի կողմ եք դրել, հաշվի առնելով բոլոր տեսակի դժվարություններ, լծվել եք այս պայքարին։ Եվ այն պետք է լինի ընծա ձեր հաղթանակին»։
Կարդացեք նաև
Ռոզա ՀՈՎՀԱՆՆԻՍՅԱՆ
«Ազգային ճակատի» լուսանկարում՝ Կոնսերվատորիայի ուսանողները պատուհաններից ողջունում են երթի մասնակիցներին
