«Առավոտի տաղավարում է «Գեղարդ» գիտավերլուծական հիմնադրամի տնօրեն, պատմաբան Ռոբերտ Ղազարյանը: Կենտրոնի աշխատանքի ուղղություններից մեկը Ադրբեջանի հակահայկական քարոզչությանը գիտական, հիմնավոր փաստերով հակազդելն է: Պատմաբանը ներկայացնում է հարեւան երկրի «պատմական ռազմավարությանը», երբ տարածաշրջանում բոլոր իսլամական մշակութային երեւույթները ներկայացվում են որպես «ադրբեջանական», իսկ քրիստոնեական հուշարձանները՝ որպես «աղվանական» եւ, վերջին հաշվով, նույնպես որպես «ադրբեջանական»:
Անհրաժեշտություն կա՞ արդյոք հայ հասարակությանը որեւէ բան ապացուցելու, թե՞ կենտրոնի գործունեության թիրախը բացառապես արտաքին աշխարհն է: Ռոբերտ Ղազարյանի կարծիքով, եթե հայաստանցիները լավ չիմանան իրենց պատմությունը, ապա ադրբեջանական ոտնձգություններին դիմադրելը դժվար չլինի: Այդ իմաստով 2023 թվականի նոյեմբերին ստեղծված կենտրոնը նախատեսում է զբաղվել լուսավորչական աշխատանքով, հատկապես՝ երիտասարդության շրջանում:
Հակահայկական քարոզչության թեմաներից մեկն է Հայոց ցեղասպանության մերժումը: Արդյոք մեր երկրում տեղի ունեցող քաղաքական փոփոխությունները չե՞ն փախում Ցեղասպանության թեման: Պատասխանելով այդ հարցին, Ռոբերտ Ղազարյանը կարծիք է հայտնում, որ Հայաստանում չի լինելու որեւէ իշխանություն, որեւէ քաղաքական ուժ, որը կհերքի Ցեղասպանության փաստը: Իսկ Ադրբեջանն, ըստ պատմաբանի, շարունակում է Թուրքիայի քաղաքականությունը եւ, բռնի տեղահանելով արցախահայությանը, իրականացրել է ցեղասպանական գործողություններ:
Մանրամասները տեսանյութում:
