«ԿԱՄՔ» հասարակական նախաձեռնության անդամներն այսօր բողոքի գործողություն իրականացրեցին ԱԳՆ շենքի առջեւ։ Նրանք մտահոգ են, որ արտաքին գերատեսչությունը ոչ մի կերպ չի արձագանքում պաշտոնական Բաքվի ոտնձգություններին։
«ԿԱՄՔ»-ը, մասնավորապես, արձանագրում է, որ Ադրբեջանում ստեղծվել է «Արեւմտյան Ադրբեջան» հեռուստաալիք, ինչով ակնհայտորեն նկատի է առնվում Հայաստանի Հանրապետությունը։ Ավելին, բռնազավթված Արցախում Ադրբեջանը ստեղծել է «Արեւելյան Սյունիք» արհեստածին անունով վարչական միավոր, որով ակնարկում է, որ հավակնություններ ունի նաեւ մեր Սյունիքի նկատմամբ։ Այս ամենը արվում է պետական մակարդակով, իսկ Հայաստանի իշխանությունը հանցավոր լռություն է պահպանում։
Բողոքի կազմակերպիչները նամակ փոխանցեցին, որով նախարար Արարատ Միրզոյանից պահանջում են բողոքի նոտա հղել Ադրբեջանին, նաեւ պահանջում են անհապաղ դադարեցնել Տավուշում ապօրինի սահմանազատման ու սահմանագծման աշխատանքները։
«ԿԱՄՔ»-ը նաեւ պահանջում է իշխանության հրաժարականը Նիկոլ Փաշինյանի գլխավորությամբ։
Կարդացեք նաև
Աշոտ ՀԱԿՈԲՅԱՆ
ԱԳՆ-ն այդքան «դուխ» ունի՞, որ ադրբեջանին նոտա հղի, չէ՞ որ իրենք բայրամովից մրսում են: Այ վախկոտներ, որտե՞ղ պահեցիք ձեր երբեմնի «դուխով» գլխարկները և դարձաք թշնամու կամքը խոնարհ կատարողներ: