Այսօր Չարենցավանում «Տավուշը հանուն հայրենիքի» շարժման երթից առաջ լրագրողների հետ զրույցում Բագրատ սրբազանը արձագանքեց իշխանականների այն քննադատություններին, թե «մի 50 հոգի մարդ է հավաքվել». «Թե՛ ԱԱԾ-ից, թե՛ Ներքին գործերի նախարարությունից, տարբեր օղակներից մեզ բազմաթիվ ինֆորմացիաներ են գալիս, շնորհակալ եմ ժողովուրդ ջան, որ էսքան աջակցում եք, շնորհակալ եմ, որ նաեւ կանխարգելիչ միջոցների մասին եք խոսում, մեզ տեղեկացնում եք: Համապատասխան ժամի ես նաեւ կասեմ, թե ինչ են նախատեսել եւ տեղի կունենա՞ դա, թե՞ տեղի չի ունենա: Շնորհակալ եմ այն ազնիվ հայորդիներին, ովքեր ԱԱԾ-ում են եւ նաեւ ոստիկանական, ՆԳՆ-ի մեջ գտնվող անձինք, ոստիկանական զորքերի մեջ գտնվող անձինք: Ուղղակի ես հիացած եմ ձեր աշխատանքով, շնորհակալ եմ, որ այդ տեղեկությունները կարեւոր ժամի փոխանցում եք: Սա նշանակում է, որ այս լույսը տեսել եք այս մարդկանց մեջ, ձեզանից շատերի ծնողներն են նաեւ այստեղ, ապրեք դուք, շարունակեք նույն ձեւով: Գիտեմ նաեւ, թե ինչ ճնշումների միջով եք անցնում:
Մենք շատ լավ տեղեկացված ենք ամեն ինչի մասին: Երեկ ամբողջ օրը նկարել են՝ մեկ դրոնով, երկու դրոնով, ծաղրանքով գրել են 50 հոգի մարդ են հավաքված: Իրենք իրենց մխիթարում են, թե մի 200 հոգի մարդ են, դե մի 300 են, շատ չեն, ոչինչ, հիմա շարժումը կմարի: Կմարի, հա»-հեգնեց սրբազանը՝ հավելելով, որ շարժումը կմարի հօգուտ հայրենիքի եւ ի փառս Աստծո:
Հռիփսիմե ՋԵԲԵՋՅԱՆ
Կարդացեք նաև
Լուսանկարը՝ Հովհաննես Իշխանյանի
