Ես Հայ Առաքելական Սուրբ Եկեղեցու հետևորդ եմ, անսասան հավատով վանահոր ծոռ։ Իմ ճանաչած Աստված Սեր է և Խաղաղություն։ Բագրատ սրբազանինը՝ Ռևանշ ու Վրեժխնդրություն։ Իրապես հոգևոր թեթևություն զգացի, երբ Հայ Առաքելական Սուրբ Եկեղեցու Հոգևոր խորհրդի հայտարարությունը ավելի շատ համընկավ իմ պատկերացումների հետ և ոչ քայլարշավողների, որ իշխանափոխության պահանջը Եկեղեցունը չէ, և Էջմիածնը աջակցում է միայն օրենքի շրջանակում իրականացվող բողոքին։
Բնականաբար, նման հայտարարությունը չի բավարարի քայլարշավին մասնակից քաղաքական հատվածին, առավելապես նրանց, ովքեր չեն հավատում ու չեն խաչակնքվում և փորձում են Եկեղեցին որպես գործիք ու վահան օգտագործել, բայց շատ կարևոր է իմ և նրանց համար, ովքեր Մայր Աթոռը Սրբատեղի են համարում ու շարունակում են համարել։
Արամ ՍԱՐԳՍՅԱՆ
Հանրապետություն կուսակցություն
