«Ալեն Սիմոնյանն ասում է՝ մանդատները վայր դրեք, մենք էլ կարձակենք խորհրդարանը: Շատ լավ, բայց պայմանը, պայման պետք է լինի՝ Նիկոլ Փաշինյանը չպետք է մնա որպես վարչապետի պաշտոնակատար եւ օգտագործի բոլոր վարչական ռեսուրսները ընտրություններում ձայներ ապահովելու համար:
Ասում են՝ երկու անգամ Նիկոլ Փաշինյանը հրաժարական է տվել, էհ, լավ, հրաժարական է տվել, բայց մնացել է վարչապետի պաշտոնակատար նույն լծակներով, ի՞նչ տարբերություն հրաժարական է տվել, թե՞ չի տվել: Այսինքն` էդ մարդը իր թիմակիցների շրջանում մի հոգի վստահելի մարդ չունի՞, որ մի քանի օրով ասի՝ առ կնիքը ու գնա կառավարի»,-խորհրդարանական ճեպազրույցի ժամանակ այսպես արձագանքեց «Հայաստան» խմբակցության պատգամավոր Արթուր Խաչատրյանը՝ Ալեն Սիմոնյանի ընդդիմությանն ուղղված մանդատները վայր դնելու վերաբերյալ հայտարարությանը:
«Հայաստան» խմբակցության պատգամավորի ձեւակերպմամբ, այո, պետք է լինեն արդար ընտրություններ, իսկ արդարության ամենակարեւոր պայմանը հետեւյալն է՝ Փաշինյանը չպետք է լինի վարչապետի ժամանակավոր պաշտոնակատար:
Կարդացեք նաև
Գոհար ՀԱԿՈԲՅԱՆ
