Լրագրողի դիտարկմանը՝ եթե չկա ապացույց, ինչ գիտեք՝ գործակալ է, Փաշինյանը պատասխանեց․ «Օպերատիվ տվյալներով։ Մենք գիտենք ՀՀ-ում գործակալական ցանցերի մասին։
Վարչապետ Նիկոլ Փաշինյանը համոզված է՝ Հայաստանի հանրապետության 29743 քկմ թիվը 1 տարի հետո ոչ մի փոփոխության չի ենթարկվի, որովհետեւ այն հենված է լեգիտիմության հենքի վրա։ Այս մասին այսօր հրավիրված ասուլիսում՝ ի պատասխան լրագրողի հարցի, ասաց Նիկոլ Փաշինյանը։
Լրագրողը նաեւ հետաքրքրվեց՝ իշխանությունը, Նիկոլ Փաշինյանը պարբերաբար խոսում է դավաճանների, գործակալների, այլ պետությունների ազդեցության տակ գտնվող անձանց մասին, որոնք ՀՀ պետական շահերին դեմ են գործում, մինչդեռ գլխավոր դատախազ Աննա Վարդապետյանն ասում է, որ այդ հայտարարություններն անհասցե, ընդհանուր քաղաքական հայտարարություններ են, որոնց վերաբերյալ վարույթներ չեն նախաձեռնում, ինչպե՞ս է ստացվում, որ քաղաքական իշխանությունը տեսնում է այդ անձանց, իսկ իրավապահ համակարգը՝ ոչ։
Ի պատասխան այս հարցի՝ Փաշինյանն ասաց՝ 2020 թվականից հետո տասնյակ մարդիկ պետական դավաճանության հոդվածով ձերբակալվել են, կալանավորվել են․ «Ենթադրում եմ՝ նրանց մեծ մասն արդեն դատապարտյալի կարգավիճակում է։ Դեպքեր կան, որ մենք գիտենք, որ մարդը գործակալ է, բայց կա նաեւ ապացուցման շեմ, խնդիր կա համոզմունքի շեմի»։
Կարդացեք նաև
Լրագրողի դիտարկմանը՝ եթե չկա ապացույց, ինչ գիտեք՝ գործակա՞լ է, Փաշինյանը պատասխանեց․«Օպերատիվ տվյալներով։ Մենք գիտենք ՀՀ-ում գործակալական ցանցերի մասին։ Նախկինում այդ գործակալական ցանցերի բացահայտումը մի օրում չի տեղի ունեցել։ Գործակալը հո այնպես չի աշխատում, որ ձերբակալվի կամ բացահայտվի։ Եվ եթե որեւէ մեկը նրան օգտագործում է որպես գործակալ՝ նրան որոշակի հմտություններով է օժտում։ Այդ ամենը դուք ֆիլմերում տեսել եք, իհարկե ոչ բոլորն են այդքան տաղանդավոր»։
Նելլի ԲԱԲԱՅԱՆ
