Արցախից բռնի տեղահանված մեր հայրենակիցների համար բնակարանային ապահովության ծրագիրը կներկայացվի եւ կհաստատվի կառավարության առաջիկա նիստերից մեկում։ Այս մասին այսօր հրավիրված ասուլիսում հայտարարեց վարչապետ Նիկոլ Փաշինյանը։ Նա ասաց, ծրագիրը բավականին ընդարձակ է, երեք ուղղությամբ է լինելու աջակցությունը՝ տուն կառուցելու, տուն ձեռք բերելու համար եւ հիփոթեքային վարկ ունեցողներին նույն չափաբաժնով աջակցություն տրամադրել եւ 3-րդ ուղղությունը՝ տարեցների համար սոցիալական բնակարանի ապահովում, այսինքն՝ մարդկանց բնակարան կտան, բայց դա իրենց սեփականությունը չի դառնա։
«Բազային գումարը, որ պետք է հատկացնենք մեկ անձին 3 միլիոն դրամ է, բայց դա գործակիցներով ավելանալու է մինչեւ 5 միլիոն դրամ։ Գործակիցը տարբեր բնակավայրերից, գոտիականությունից եւ այլ հանգամանքներից է կախված»,-ասաց Փաշինյանը։ Առաջնահերթությունը կտրվի սոցիալական որոշ խմբերին՝ զոհված զինծառայողների ընտանիքներին, անչափահաս երեխաներ ունեցող ընտանիքներին։
Նելլի ԲԱԲԱՅԱՆ
