Այսօր ԱԺ-ում Գլխավոր դատախազի՝ 2023-ի գործունեության մասին հաղորդման քննարկման ժամանակ իր ամփոփիչ ելույթում Աննա Վարդապետյանն ասաց. «Ինձ լրագրողները հարցրեցին՝ թքել կարելի՞ է: Ոչ, չի կարելի, բայց ամեն ինչը չէ քրեորեն պատժելի: Բայց արդյոք մենք այն հասարակությո՞ւնն ենք, որի հետ միայն Քրեական օրենսգրքով պետք է խոսել: Եթե դատախազությունը քրեական հետապնդում չի հարուցում, ուրեմն անե՞նք, ուրեմն կարելի՞ է»:
Աննա Վարդապետյանն ասաց, որ ԱԺ ամբիոնից հնչող քաղաքական խոսքը ազդում է հասարակական խոսույթի որակի վրա ու սա ուղղակի բառեր չեն, երեւում է յուրաքանչյուր քրեական գործից ու ցուցմունքից:
Նա կարճ խոսեց, բայց պատգամավորներին ասաց, որ հարցերը, որոնք հնչեցրին իրեն ԱԺ ամբիոնից, գրավոր ուղարկեն, կպատասխանի, որովհետեւ 10 րոպեի ընթացքում հնարավոր չէ անդրադառնալ բոլոր հարցերին:
Հռիփսիմե ՋԵԲԵՋՅԱՆ
