ԱԺ-ում շարունակում են քննարկել Գլխավոր դատախազության՝ 2023-ի գործունեության մասին հաղորդումը:
ՔՊ պատգամավոր Թագուհի Ղազարյանը խոսեց Սաշիկ Սուլթանյանի գործի մասին: Նրան մեղադրանք է առաջադրվել, որով Հայաստանում ապրող եզդիների իրավունքների խախտումների մասին խոսելը որակվել է որպես ազգային թշնամանքի հարուցում։ Սուլթանյանի պաշտպանները պնդում են՝ չկա որեւէ փաստական տվյալ, որ Սաշիկ Սուլթանյանը ատում է հայերին կամ թշնամանքով է լցված, նա քննադատում է ՀՀ կառավարությանը:
Թագուհի Ղազարյանն ասաց. «Ինչ-որ մեկը կարծում է, որ երբ Սաշիկ Սուլթանյանն ասում է՝ եզդիների նկատմամբ խտրական վերաբերմունք կա Հայաստանում, նա ազգամիջյան թշնամանք է տարածում: Ես եւս կարծում եմ, որ եզդիների նկատմամբ խտրական վերաբերմունք կա ու խտրական իրավիճակներ կան Հայաստանում մի շարք հարցերում»:
Տեղից Գեղամ Նազարյանը բղավեց, որ չկա՛ խտրական վերաբերմունք, Թագուհի Ղազարյանը վիճեց. «Պարո՛ն Նազարյան, երբ հայը Հայաստանում ասում է, որ եզդիների հանդեպ խտրական վերաբերմունք չկա, դա նույնն է, որ տղամարդը ասի՝ կանանց նկատմամբ խտրականություն չկա: Դուք ե՞րբ եք եզդի եղել, որ գիտեք՝ կա՞, թե՞ չկա»:
Կարդացեք նաև
Նա վստահեցրեց, որ օրինակ եզդիական համայնքին առողջապահական ծառայությունները պակաս հասանելի են, քան հայերին:
Հռիփսիմե ՋԵԲԵՋՅԱՆ
