ՀԱՅՏԱՐԱՐՈՒԹՅՈՒՆ
Հայաստանի Հանրապետության և Ադրբեջանի միջև ապօրինի սահմանազատման դադարեցումը այդ գործընթացի հենց սկզբից եղել է և մնում է Ազգային-ժողովրդավարական բևեռի որդեգրած քաղաքականությունը։
Դա դրսևորվել է և՛ Տավուշում` ԱԺԲ համախոհների մշտական ներկայությամբ, և՛ ապրիլի 24-ին, 27-ին ու 30-ին Երևանում ոստիկանական բիրտ բռնաճնշումների և հարյուրավոր մարդկանց ոստիկանական բաժանմունքներ բերման ենթարկելու պայմաններում կայացած բազմամարդ հավաք-երթերով։
Բևեռը գտնում է, որ Տավուշի մարզում ապօրինի սահմանազատումը հետևանք է ներկա վարչախմբի թուրքամետ քաղաքականության, ուստի հանդես է եկել և հանդես է գալիս պետականակործան ներկա վարչախմբի հեռացման պահանջով։
Կարդացեք նաև
Որպես ազգային-ազատագրական շարժում` Ազգային-ժողովրդավարական բևեռն աջակցում է հայրենազրկման դեմ ուղղված բոլոր անկեղծ դիմադրական շարժումներին։
Ազգային-ժողովրդավարական բևեռի խորհուրդ
