Գլխավոր դատախազ Աննա Վարդապետյանն այսօր լրագրողների հետ ճեպազրույցում անդրադարձավ հարցին, որ կան տարբեր հայտարարություններ, թե Հայաստանում կան «գործակալական ցանցեր, որոնք սպառնում են իշխանությանը», ինչո՞ւ դատախազությունը չի նախաձեռնում քրեական վարույթ՝ պարզելու համար, թե ինչի մասին է խոսքը։
«Ձեր նշած ընդհանրական ձեւակերպումների հետ կապված վարույթ նախաձեռնվել չի կարող, եթե ինչ-որ մեկը հայտարարի, որ 5-րդ շարասյուն կա»,- ասաց Աննա Վարդապետյանը։
Հարցին, որ անգամ Քննչական կոմիտեի նախագահն է այդ մասին խոսել, բայց հասարակությանը փաստեր չեն ներկայացվում, Աննա Վարդապետյանը պատասխանեց․ «Քննչական կոմիտեի նախագահն ունի հստակ գործառույթ՝ վարույթ նախաձեռնելու, կարծում եմ՝ այդ հարցերը կարող եք կոմիտեին ուղղել։ Բայց եթե խոսքը վերաբերում է լրտեսության հանցակազմերին, մենք ունենք վարույթներ, դատարան ուղարկված գործեր եւ նաեւ պետական դավաճանության դեպքերով ունենք։ Իսկ անհասցե ընդհանուր քաղաքական հայտարարությունների վերաբերյալ մենք վարույթներ չենք հարուցում»։
Կարդացեք նաև
Ռոզա ՀՈՎՀԱՆՆԻՍՅԱՆ
