«Մենք հիմա գտնվում ենք Կիրանց տանող ճանապարհին։ Իմ թիկունքում տեսնում եք «Օղակ երկու» գործողության կատարողներին։ Եթե 33 տարի առաջ ադրբեջանական օմոնն էր, այս պահին ՀՀ զինանշանն իրենց համազգեստի վրա կրող հպարտ հերոս, հարկատուների հարկերով աշխատավարձ ստացող ոստիկանական զորքերն են»,- Կիրանցից հայտնում է «Հայաստան» խմբակցության պատգամավոր Ասպրամ Կրպեյանը։
Հիշեցնենք, վաղ առավոտյան՝ 5․30-ի սահմաններում, ոստիկանությունը հատուկ գործողություն է իրականացրել Կիրանց-Ոսկեպար ճանապարհը փակած քաղաքացիների նկատմամբ՝ բռնի ուժ կիրառելով՝ բերման են ենթարկել՝ ճանապարհ բացելով ականազերծման աշխատանքներ իրականացնողների համար։ Դեպի Կիրանց ճանապարհը ոստիկանները փակել էին, պատգամավորներին, հոգեւորականներին, լրագրողներին, Կիրանցի բնակիչներին աջակցողներին թույլ չէին տալիս գալ գյուղ։ Գառնիկ Դանիելյանին հաջողվել է շրջանցել ոստիկանական ուժերը եւ միանալ Կիրանցում գտնվող քաղաքացիներին։
Ասպրամ Կրպեյանը նշեց, որ սա ընդամենը մի փոքր հատվածն է այն զորքերի, որ տեղակայված են այս փոքրիկ, գողտրիկ գյուղերում, գյուղերի մատույցներում․ «Ճիշտ ինչպես 1915-ին՝ կանանց և տղամարդկանց առանձնացնում էին, որպեսզի ցեղասպանեն, նույն մեթոդներով հիմա են պարզապես հայի անուն ու ազգանուն կրող, հայկական պետականության խորհրդանիշներն իրենց համազգեստին, հագուստներին կրող անձանց միջոցով իրականացնում»։
Նա նշեց, որ Կիրանցում են շարունակելու լինել։
Կարդացեք նաև
Տաթև ՀԱՐՈՒԹՅՈՒՆՅԱՆ
