«Այդ բոլոր փաստաթղթերը կան, բնականաբար, ՀՀ կառավարության տրամադրության տակ են, դրանց հետ աշխատում են ոչ մեկ , այլ երբեմն տարբեր գերատեսչություններ, դրանք գաղտնիության որոշակի սանդղակ ունեցող փաստաթղթեր են, իրենց հետ աշխատելու որոշակի ռեժիմներ կան,ենթադրում եմ՝ թյուրիմացությունները կարող են կապված լինել այդ ռեժիմների հետ».- այս մասին Հանրային հեռուստաընկերության եթերում Պետրոս Ղազարյանի հետ զրույցում ասաց ՀՀ վարչապետ Նիկոլ Փաշինյանը՝ պատասխանելով հարցին, թե ինչի հիման վրա է այս սահմանազատումը:
Հիշեցնենք, որ ընդդիմադիր գործիչներն ու պատգամավորները պնդում են, որ ՀՀ ձեռքի տակ չկան 1988 Խորհրդային հանրապետությունների նախարարների խորհրդի տեղակալների կողմից հաստատված արձանագրությունները ՀՀ եւ Ադրբեջանի մասին:
Փաշինյանը այս կերպ նաեւ պատասխանեց Աժ «Պատիվ ունեմ» խմբակցության պատգամավոր Տիգրան Աբրահամյանին, որը ավելի վաղ հայտնել էր, որ հարցում է արել Կադաստրի կոմիտե, ՊՆ, որտեղից իրեն պատասխանել էին, թե 1988 Խորհրդային հանրապետությունների նախարարների խորհրդի տեղակալների կողմից հաստատված արձանագրությունները որպես փաստաթուղթ չկա իրենց մոտ:
Փաշինյանի խոսքով, սահմանազատման գործընթացում ՀՀ կառավարության խնդիրը եղել է ներդնել այնպիսի բանաձեւ, որը կապահովի ոչ միայն առանձին վերցրած մի հատվածի սահմանի վերականգնման լեգիտիմ հիմքերը, այլեւ ՀՀ-Ադրբեջան ամբողջ սահմանագծով:
Կարդացեք նաև
Ինչու սահմանազատումն ու սահմանագծումը չի արվում փաթեթով, այլ հատվածական է արվում հարցին, պարոն Փաշինյանը պատասխանեց. «Աշխարհում ոչ մի երկիր չի դրել մի գործողությամբ սահման ձեւավորել, միշտ էլ սահմանազատման գործընթացը տեւական գործընթաց է, մի կոճակ չէ, որ սեղմենք ու սահմանը վերարտադրվի: Ձեւավորում ենք սահմանի վերարտադրության համար անհրաժեշտ փաթեթը ու դա հիմնված է Ալմա-Աթայի հռչակագրի վրա»:
Արփինե ՍԻՄՈՆՅԱՆ
