«Հարյուր տարի չեմ տեսել. ո՞նց եք»,- Հայ Առաքելական Եկեղեցու Տավուշի թեմի առաջնորդ Գերաշնորհ Տեր Բագրատ արքեպիսկոպոս Գալստանյանը Կիրանցում այսպես դիմավորեց տավուշցի զոհված զինծառայողների ծնողներին։
Նրանք եկել են միանալու շարժմանը, որն օրեր շարունակ ՀՀ Տավուշի և այլ մարզերի քաղաքացիներ իրականացնում են ընդդեմ Տավուշում նախաձեռնված սահմանազատման և սահմանագծման գործընթացի։
Տավուշեցի նահատակ հերոս, բժիշկ Հարութի մայրը`տիկին Երանուհին լրագրողների հետ զրույցում ասաց․ «Հոգով, սրտով միացած ենք եղել շարժմանը, այսօր էլ եկել, միացել ենք մեր Սրբազանին մեր հող ու ջրի համար։ Պետք է պաշտպանենք մեր հողն ու ջուրը ամեն մեկս մի ձևով, որպեսզի մեր էրեխեքի արյունը ջուր չդառնա։ Արցախը տվեցինք, որոշ մարդիկ ասում էին՝ Արցախը տանք ու փակենք դրանով, հանգիստ ապրենք։ Դա եղա՞վ, ոչ։ Մենք բոլորս գիտեինք, որ այդպես չէ։ Արցախը մեր Հայաստանի դարպասն է․ բացեցին թշնամու առաջ, անդունդի եզրին կանգնած ենք։ Մեկս մյուսին զորավիգ պիտի լինենք, օգնական լինենք, որ այդ անդունդից մի ոտքը հանենք, առաջ շարժվենք, հզորացնենք մեր Հայաստանը։ Մեր էրեխեքն այս Հայաստանի համար են գնացել, իմ տղան Հադրութի համար էր գնացել, իր զինվորների համար էր գնացել»։
Կարդացեք նաև
Տաթև ՀԱՐՈՒԹՅՈՒՆՅԱՆ
Լուսանկարը՝ Ազգային ճակատի
