«ՔՊ-ի ողջ պերճանքն ու թշվառությունը»,- այսօրվա ԱԺ հայտարարությունների ժամն այսպես վերնագրեց«Հայաստան» խմբակցության պատգամավոր Արծվիկ Մինասյանը:
Նա ասաց, որ ՔՊ-ականները վիրավորում են ու հետո դատապարտում բռնությունը. «Կանգնել այս ամբիոնից կեղծ ու ազգադավ հայտարարություններ անել, ստել իմ անձի հետ կապված, պատմությունը կեղծելով՝ դուք ո՞ւր եք ուզում գնալ: Ո՞վ է այս երկրին բերել թշվառությունը, ազգային արժանապատվության կորուստը, դա դուք եք բերել ու ձեր իշխանությունն է, որ այս ժողովրդին պահում է տեռորի տակ, մի կողմից թուրք-ադրբեջանական տեռորն է, մյուս կողմից ոստիկանությունը: Սա ոչ այլ ինչ է, քան ազգի ու ժողովրդի նկատմամբ հանցագործություն: Եվ փոխարենը դուք ինքներդ գնաք մոմ վառեք, Աստծուց աղաչեք, ձեր մեղքերի թողություն խնդրեք, հորդորում ու վիրավորում եք սրբազաններին, Հայ առաքելական սուրբ եկեղեցուն: Ո՞ւր եք ուզում տանել այս ժողովրդին ու ազգին, տանում եք մի նոր կառափնարա՞ն, մի նոր կոտորածի՞: Արդեն մի քանի անգամ դա արել եք, դադարե՛ք: Հասկացեք, որ ուրիշ տարբերակ չկա, պետք է ինքներդ ընդունեք ձեր մեղքերը»:
Հռիփսիմե ՋԵԲԵՋՅԱՆ
