Այսօր լրագրողները ՔՊ խմբակցության քարտուղար Արթուր Հովհաննիսյանին հարցրին՝ ՔՊ խմբակցության պատգամավորները civic.am կայքի լրագրող Դավիթ Լեւոնյանին սատարող հայտարարություններ են անում, սակայն երբ մյուս լրագրողների նկատմամբ ոտնձգություն կամ բռնություն է կիրառվում իրենք լուռ են, ինչո՞ւ։
«Հիմա մենք խոսում ենք կոնկրետ միջադեպից, դուք համեմատության մեջ եք դնում այլ միջադեպ, որն ընդհանրապես համեմատելի չէ։ Այսինքն՝ Քոչարյանի «ախռաննիկը» կարա գա լրագրողին սեռական բնույթի հայհոյանքներ հնչեցնելով՝ հարվածի, եւ դուք հիմա համեմատում եք այլ միջադեպի հետ։ Մենք տարբեր բաների մասին ենք խոսում, եկեք դեպքերն առանձին քննարկենք»,- ասաց Արթուր Հովհաննիսյանը։
Լրագրողները նաեւ Արթուր Հովհաննիսյանին հարցրին՝ ո՞վ է մեղավոր այս միջավայրի համար։ Հովհաննիսյանին հիշեցրին իր ավելի վաղ արած հայտարարությունը՝ լեզու եւ ականջ կտրելու մասին։
«Ականջ եւ լեզու կտրելու մասին հայտարարությունը ես եմ արել, լրագրողին չեմ ասել, արել եմ Էդգար Ղազարյանին։ Եվ նրան չեմ ասել, նրա հայտարարությանն ի պատասխան ասել եմ, որ ով հայ ժողովրդի հեղափոխությունը կարող է համարել ադրբեջանա-թուրքական, հայ ժողովուրդը նրա լեզուն ու ականջները կկտրի»,- ասաց նա։
Կարդացեք նաև
Ռոզա ՀՈՎՀԱՆՆԻՍՅԱՆ
