«Պարո՛ն Խաչատրյան, ես իրականում չեմ սիրում ազգային հիմքով մարդկանց վիրավորել, բայց եթե ինչ-որ մեկը այս դահլիճում համարում է, որ Խեյրեմլին, Բաղանիս Այրումը, Ասկիպարան իր հայրենիքն է, ապա նրանք ՀՀ քաղաքացիներ չեն»,- այսօր ԱԺ նիստում հայտարարեց Սոնա Ղազարյանը:
Հիշեցենք, որ նիստում քննարկվում է «ՀՀ-ի եւ Ադրբեջանի միջեւ սահմանազատման եւ սահմանագծման վերաբերյալ» ԱԺ հայտարարության նախագիծը օրակարգ մտցնելու հարցը, որին բացասական եզրակացություն էր տվել իշխող ուժը:
«Հայաստան» խմբակցության պատգամավոր Արթուր Խաչատրյանն ասել էր, որ «Այն, ինչ այսօր կատարվում է Հայաստանում եւ կոչվում է պիլոտային սահմանազատում, իրականում ՀՀ-ն մաս-մաս կտրտելով՝ թշնամուն տալու գործընթաց է»:
Սոնա Ղազարյանի հայտարարությանը տեղից ընդդիմադիրներն արձագանքեցին, թե՝ եթե Բաղանիս Այրումը, Ասկիպարան հայրենիք են համարում, ուրեմն ի՞նչ են. «Չեմ ասում ադրբեջանցի եք: Եթե դուք Խեյրեմլին, Բաղանիս Այրումը, Ասկիպարան ձեր հայրենիքն եք համարում ու այստեղ եկել մեզ մեղադրում եք հայրենիքը մաս-մաս տալու մեջ…Ո՞ւմ շահից է բխում չունենալ պետական սահման, ունենալ շփման գիծ: Այս պահանջը ներկայացնում էր Ադրբեջանը՝ ձգձգելով սահմանազատման գործընթացը, մյուս կողմից էլ դա լավ պատրվակ էր ՌԴ-ի համար՝ մեր սահմանները չպաշտպանելու իրենց պարտականությունները կատարելիս»:
Կարդացեք նաև
Հռիփսիմե ՋԵԲԵՋՅԱՆ
