Հարգելի’ գարդմանահայեր, շիրվանահայեր, նախիջևանահայեր,
ուրախ ենք տեղեկացնել, որ «Գարդման-Շիրվան-Նախիջևան» համահայկական միության նամակը տարածվել է որպես ՄԱԿ-ի պաշտոնական փաստաթուղթ։
Նշենք, որ նամակը նվիրված էր Մարաղայի կոտորածի 32-րդ տարելիցին։ Նամակում ներկայացվել է ադրբեջանական իշխանությունների խտրական քաղաքականությունը հայության նկատմամբ, որը հանգեցրել է կոտորածների, ջարդերի և բռնի տեղահանումների մի ամբողջ շղթայի ստեղծմանը։
Մենք կոչ ենք արել ՄԱԿ-ի Գլխավոր քարտուղարին և միջազգային հանրությանը գործի դնել բոլոր միջոցները ինչպես պատմական Գարդմանի, Շիրվանի, Նախիջևանի, այնպես էլ Լեռնային Ղարաբաղի ողջ հայության ոտնահարված անօտարելի իրավունքների համապարփակ, արմատական և երաշխավորված վերականգնման և պաշտպանության համար։
Գարդման Շիրվան Նախիջևան ՀՀՄ
