Տիգրան Պետրոսյանի անվան շախմատի տուն մարզադպրոցում կայացավ լրագրողների միջեւ արագ շախմատի 9-րդ առաջնությունը։ Այն կազմակերպել էր Արտասահմանյան թղթակիցների ասոցիացիան։
Տարբեր լրատվամիջոցների 12 աշխատակիցներ պայքարեցին հաղթողին որոշելու համար։ Արդյունքների ամփոփումից հետո պարզ դարձավ, որ մասնակիցներից երկուսը՝ Արարատ Պետրոսյանը (Արմենպրես լրատվական գործակալություն) եւ Վադիմ Մկրտչյանը (Голос Армении) հինգ հնարավորից վաստակել են 4,5-ական միավոր։ Եվ միայն լրացուցիչ գործակիցների հաշվարկով հաղթանակը շնորհվեց Արարատ Պետրոսյանին։ Մրցանակային երրորդ տեղը զբաղեցրեց Голос Армении թերթի աշխատակից Ռուբեն Մարգարյանը։
Այս տարի առաջին անգամ տղամարդկանց ձեռնոց էր նետել նաեւ գեղեցիկ սեռի ներկայացուցիչ՝ Собеседник ամսագրի եւ Эфир թերթի լրագրող Յանա Ավչիյանը, որին որպես միակ կին մասնակցի, շնորհվեց հատուկ մրցանակ։
Կարդացեք նաև
Աշոտ ՀԱԿՈԲՅԱՆ
