«Բռունցքդ բեր» նախաձեռնությունը, հիմնվելով Հայաստանի Հանրապետության ինքնիշխանության և ժողովրդավարության սկզբունքների վրա, անսալով Ոսկեպար գյուղի բնակիչների մարտի 18-ի ուղերձը վարչապետին,
պահանջելով ՀՀ ԱԺ պատգամավորներից չեղարկել վարչակազմի զիջողական քաղաքականությունը, իրականացնում է ամենօրյա հավաքներ ՀՀ ԱԺ դիմաց։
Երեկ՝ ապրիլի 27-ին, «Բռունցքդ բեր» նախաձեռնության ոչ բռնի հավաքը ապօրինի կերպով՝ առանց իրավական հիմքի, դադարեցվել է վարչակազմի կողմից՝ ոստիկանության միջոցով, բռնի կերպով։ Բերման են ենթարկվել «Բռունցքդ բեր» նախաձեռնության անդամներ Արման Վարդանյանը, Վլադիմիր Հովհաննիսյանը, Սլավիկ Ալավերդյանը, Նարեկ Այվազյանը և նախաձեռնության համախոհ Միքայել Մարգարյանը։
«Բռունցքդ բեր» նախաձեռնությունը վարչակազմից պահանջում է վերականգնել Հայաստանի Հանրապետության քաղաքացիների իրավունքներն ու ազատությունները և զերծ մնալ Հայաստանի Հանրապետության իրավական սկզբունքը կասկածի տակ դնելուց և ոստիկանության միջոցով քաղաքացիների արտահայտվելու, հավաքների, տեղաշարժի ազատությունները և սեփականության իրավունքը չոտնահարել, չխթանել խոշտանգումներն ու խտրականությունը, որոնք հղի են ծանր սպառնալիքներով պետության անվտանգության, իրավունքների և համբավի համար։
«Բռունցքդ բեր» նախաձեռնությունն իր համերաշխությունն է հայտնում Ոսկեպար, Բաղանիս, Կիրանց և Տավուշի մարզի այլ գյուղերի բնակիչներին։ Տավուշը մեր տունն է և մենք մեր տան տերներն ու պաշտպաններն ենք։
Կարդացեք նաև
«ԲՌՈՒՆՑՔԴ ԲԵՐ» ՆԱԽԱՁԵՌՆՈՒԹՅՈՒՆ
