Քաղաքացու օրը՝ ի աջակցություն տավուշցիների, Ազատության հրապարակում ԱԺԲ հանրահավաքի մասնակիցները բաժանվեցին խմբերի եւ շարժվեցին տարբեր ուղղություններով՝ անհնազանդության ցույցեր անելու, այդ թվում՝ փողոցներ եւ խաչմերուկներ փակելու։
Խմբերից երկուսը ոստիկանների ուղեկցությամբ գնացին Հանրապետության հրապարակ, որտեղից էլ խումբ-խումբ բերման ենթարկվեցին։
Կարդացեք նաև
Հենց հրապարակում, 2750 ցայտաղբյուրների մոտ ոստիկանները օղակի մեջ վերցրին խմբերից մեկին եւ սկսեցին վարչական բերման ենթարկելու գործընթացը, որն այս անգամ տարբերվում էր նմանատիպ օպերացիաներից։
Նախ, մեկ-երկու բացառությամբ՝ ուժ գրեթե չկիրառվեց։
Մոտեցավ ձերբակալվածներին տեղափոխող միկրոավտոբուսը, եւ ցուցարարները հերթով, կարգով, առանց որեւէ մեկի «օգնության» մտան ավտոբուս ու զբաղեցրին իրենց տեղը։
Ավելի հետաքրքիր էր շարունակությունը։ Երբ բոլոր նստելատեղերը զբաղեցվեցին եւ մեքենան շարժվեց, մնացած ցուցարարները տարակուսանքի մեջ ընկան։ Նրանք խնդրում ու պահանջում էին իրենց նույնպես տանել ոստիկանական բաժանմունք։ Ու հասան իրենց ուզածին։ Մոտեցավ երկրորդ միկրոավտոբուսը եւ խմբի մյուս անդամները գնացին միանալու մյուսներին։
ԱԺԲ-ն հաղորդում է, որ մոտ 50 բերման ենթարկված կա:
Աշոտ ՀԱԿՈԲՅԱՆ
Վատ չի մտածված, ինչպես ասում են – тоже вариант, նիկոլն էսա ՆԳ նախարարին կկանչի ու ղժղժոցով անկապ ցուցումներ կտա։