Տավուշի մարզում անհնազանդության միջոցառումները շարունակվում են, Ոսկեպար-Կիրանց ճանապարհը շարունակում է փակ մնալ։ Մարդիկ պայքարում են անօրինական սահմանազատման-սահմանագծման գործընթացի դեմ:
Կիրանցի բնակիչները հավաքվել են ու փորձում են թույլ չտալ, որ գյուղի տարածքում ականազերծման աշխատանքներ իրականացվեն։
Նրանք կոչ են անում հանրապետության մյուս մարզերի բնակիչներին միանալ պայքարին։ «Եթե չլինի Կիրանցը, չլինեն սահմանները, մարդիկ թող չմտածեն, թե կարող են իրենց տներում խաղաղ ապրել։ Իրենք էլ խաղաղ չեն ապրելու, դրա համար կոչ ենք անում՝ թող բոլորն էլ դուրս գան եւ մեզ հետ միասին պայքարեն։ Մենք այսօր մեր տների համար չենք մտածում, մտածում ենք, որ եթե այս միջպետական ճանապարհն այսօր փակվի, վաղն այլեւս ճանապարհ չենք ունենալու, թուրքի ճանապարհով ենք անցնելու։ Թող մարդիկ այդքան գիտակցեն ու գան մեզ միանան, մեր կոչն ու հորդորը դա է, որ հայ ժողովուրդն ուշքի գա»,- ասաց գյուղի կանանցից մեկը։
Կիրանցի բնակիչների խոսքով՝ միակողմանի զիջումներով հնարավոր չէ հասնել խաղաղության։
Կարդացեք նաև
Լուսանկարը Թագուհի Թովմասյանի ՖԲ էջից
