Պահեստազորի գնդապետ Միհրան Մախսուդյանը հիվանդանոցից դուրս գրվելուց հետո միացել է Կիրանցում բողոքի ցույց անող քաղաքացիներին. «Որտեղ իմ ժողովուրդը, այնտեղ՝ ես։ Ես իմ ժողովրդին անտեր չեմ թողնելու»:
Վերջինս երկու օր առաջ վնասվածք էր ստացել, երբ ոստիկանները բիրտ ուժ էին կիրառել ցուցարարների դեմ:
«Ժողովրդին ստի մեջ պահելով, տեսնենք մինչեւ ո՞ւր են տանում, տեսնենք մինչեւ ո՞ւր են սեփական ժողովրդին խաբելու։ Վերջը էս ժողովուրդն է, չէ՞ էդ մարդկանց համար պայքարել, մանդատ տվել, բայց էսօր նրանց կողքին մարդ չկա կանգնած, բացի խաբելուց ոչ մի բան չեն անում ժողովրդի համար։ Մատի վրա հաշված պատգամավորներ են ժողովրդի կողքին։ Մնացածը տաք անկյունում նստած, հեռվից նայում են, թե ում ծեծեցին, ում տարան»,-լրագրողների հետ զրույցում ասաց Միհրան Մախսուդյանը։
Հիշեցնենք, ճանապարհի Կիրանց-Ոսկեպար հատվածն արդեն մի քանի օր է՝ փակ է: ՀՀ կառավարությունը սահմանազատման-սահմանագծման «պիլոտային» ծրագիր է իրականացնում, եւ առաջին սյուներն արդեն տեղադրվել են: Մարդիկ պայքարում են անօրինական սահմանազատման-սահմանագծման գործընթացի դեմ: Իսկ քիչ առաջ հայտնի դարձավ, որ ականազերծման աշխատանքների ժամանակ ՀՀ ԶՈՒ զինծառայող է պայթել ականի վրա: ՀՀ ՊՆ-ն հաստատեց տեղեկությունը՝ տուժածի վիճակը բավարար գնահատելով:
Կարդացեք նաև
Նելլի ԳՐԻԳՈՐՅԱՆ
