Ոստիկաններն այսօր բիրտ ուժ են կիրառել Այրում-Բագրատաշեն ճանապարհը փակած քաղաքացիների նկատմամբ:
Ցուցարարներին ճանապարհից հեռացնում էին թեւերը ոլորած: «Ջարդիր թեւը» ոստիկաններին նման դիտողություն արած քաղաքացուն ոստիկաններից մեկը մոտեցավ զայրացած՝ հարցնելով. «Ինչ, քո ասածն ինչ է»: Հետո սկսեցին գոռալ ու հրել ճանապարհը փակած քաղաքացիներին, նրանց մեքենաները. «Դուրս եկեք, արա… դավայ հլը հետ անցեք, ձերբակալեք սրանց» :
Քաղաքացիները ի պատասխան ոստիկանների գործողությունների՝ ասում էին՝ միայն ջարդել ու ավերել գիտեք: Կային քաղաքացիներ, որոնք պնդում էին, որ իրենց մեքենաները վնասել են:
Կարդացեք նաև
Ի դեպ, քաղաքացիական հագուստով մի անձ ոստիկանների գործողությունները տեսանկարահանող «Առավոտի» թղթակցին մոտեցել ու բեյջ է պահանջել ու ամեն կերպ փորձել խոչընդոտել մեր նկարահանումը:
Բագրատ սրբազանին նույնպես ոստիկանները չեն խնայել ու հրել են՝ թույլ չտալով, որ սրբազանը միջամտի ու կանխի քաղաքացիների ձերբակալությունը. «Իրեն լավ չի պահել փոխոստիկանապետը»:
Ոստիկանները խոչընդոտել են նաեւ դեպքի վայրում աշխատող լրագրողների աշխատանքը, հարվածելով խփել են ու մեր թղթակցի ձեռքից գցել են դեպքի վայրը նկարահանող հեռախոսը՝ կոտրելով այն:
Արփինե ՍԻՄՈՆՅԱՆ
Գործի անցան տականք իշխանության տականք պատժիչներն իրենց գույնզգույն գլխարներով, որոնց նիկոլը առատաձեռն վարձատրում է ալիևի ծրագրերն ամեն գնով կատարելու համար։