Գյումրու քաղաքային իշխանությունները շենքերից մեկի պատշգամբները զարդարել են ծաղիկներով՝ գարնանային շունչ, գույներ ու տրամադրություն հաղորդելով զբոսաշրջային քաղաքին։
Գարեգին Նժդեհ հրապարակում գտնվող 4 բ հասցեի շենքը բնականաբար պատահական ընտրված չէ, այն Գյումրու մուտքից հեռու չէ, հյուրերը Գյումրի այցելելու համար պարտադիր անցնելու են հենց այդ շենքի մոտով, քաղաքային իշխանությունը դիազայներական նման լուծմամբ փորձել է գրավիչ դարձնել քաղաքը։
Ծաղկազարդ պատշգամբներով շենքերի կարելի է հանդիպել գրեթե բոլոր եվրոպական քաղաքներում, իսկ Հայաստանում յուրօրինակ, չքնաղ պատկեր է Տավուշի թեմի Սոցիալ-կրթական կենտրոնի շենքում։
Կարդացեք նաև
Գյումրու համայնքապետարանը մտադիր է ծաղկազարդ դարձնել նաև քաղաքի մյուս շենքերը, հատկապես պատմական կենտրոնի։
Նկատենք, որ Գյումրիում ակնառու փոփոխություններ են տեղի ունենում Լուսինե Սանոյանի՝ առաջին փոխքաղաքապետ նշանակվելուց հետո։
Հիշեցնենք, որ նրա մտահղացմամբ հայ հանճարների լուսանկարները փակցվեցին կանգառներում, կենդանիների հետ մարդավայել վերաբերվելու, նրանց որդեգրելու սոցիալական գովազդներ հայտնվեցին քաղաքի կենտրոնում։
Նունե ԱՐԵՎՇԱՏՅԱՆ
