Տավուշի մարզի Կիրանց գյուղի ճանապարհը բնակիչները քիչ առաջ դարձյալ փակել են։ Այս մասին տեղեկացնում է ԱԺ «Հայաստան» խմբակցության պատգամավոր Գառնիկ Դանիելյանը։ Նա Ֆեյսբուքի իր էջում գրել է․ «Կիրանցի գյուղացիները չեն թողնում, որպեսզի մեկնարկեն ականազերծման աշխատանքները, որոնք իրականացվում են Տավուշից հայկական զորքերի հետ քաշման համար»։
«Ժողովրդավարական համախմբում» կուսակցության նախագահ Սուրեն Պետրոսյանն էլ տեղեկացրել է, որ Ոսկեպարի բնակիչները խոչընդոտել են գյուղի եկեղեցու շրջակայքում ականազերծման աշխատանքների իրականացմանը։
«Այստեղից պարզ երեւում է, որ իշխանությունը կրկին ու կրկին խաբել է, եւ սա մեծագույն կեղծիք է, թե կան պայմանավորվածություններ, սահմանն այստեղով չի անցնելու, որովհետև հստակ երեւում է, որ միակողմանի հանձնման գործընթացը շարունակվում է։ Հակառակ դեպքում որեւիցե պատճառ չէր լինի, որ Ոսկեպար գյուղի եկեղեցու շրջակա հատվածը փորձեին ականազերծել»,- Ֆեյսբուքի ուղիղ եթերում ասաց Սուրեն Պետրոսյանը։
Երեկ նույնպես Տավուշի բնակիչները փակել էին Կիրանց գյուղի ճանապարհը՝ բողոքելով Հայաստանի եւ Ադրբեջանի պետական սահմանի սահմանազատման հանձնաժողովների համատեղ որոշման դեմ, ըստ որի՝ «նախնական համաձայնեցվել են Հայաստանի Բաղանիս, Ադրբեջանի Բաղանիս-Այրում, Հայաստանի Ոսկեպար, Ադրբեջանի Աշաղը Ասկիպարա, Հայաստանի Կիրանց, Ադրբեջանի Խեյրեմլի, Հայաստանի Բերքաբեր, Ադրբեջանի Կըզըլ Հաջիլի գյուղերի միջեւ սահմանային գծի հատվածներում սահմանի անցումը»:
Կարդացեք նաև
Ռոզա ՀՈՎՀԱՆՆԻՍՅԱՆ
Կեցցեք ժողովուրդ ջան, այդպես արժանապատիվ ու աննահանջ եղեք, ականազերծողներին էլ ասեք, որ դավաճանների ու թուրքերի ընդունած որոշումները կատարելը դավաճանություն է հայրենիքին։ Եթե դավաճան նիկոլի կամակատար ոստիկանապետը փորձի ձեզ վախեցնել, չվախենաք այդ անհայրենիք հպատակից և տեր կանգնեք ձեր հողին։
Երևանցիներն էլ ամոթ պետք է ունենան և փողոց դուրս գան ու աջակցեն Ոսկեպարի ու Կիրանցի բնակիչների պայքարին։