Իրավապաշտպան, «Իրավունքի և ազատության կենտրոնի» հիմնադիր ղեկավար Վարդան Հարությունյանի ֆեյսբուքյան գրառումը
Ձերբակալված Սամվել Վարդանյանին բռնության ենթարկելու դեպքը մեկ անգամ եւս փաստում է, որ ժողովրդավարության ու մարդու իրավունքների մասին խոսակցություն-հայտարարություններն անիմաստ զրույցներ են։
Մեզանում նորություն չեն քաղաքական հակառակորդներին կամ իշխանության սուր քննադատներին կալանավորելու, դատելու, ծեծի կամ խոշտանգման ենթարկելու դեպքերը։ Այսպես եղել է։ Այդպես էլ, ցավոք, շարունակվում է, որովհետեւ այսօր իշխանության եղածների համար իշխանավորի լավագույն օրինակներն իրենց նախորդներն են։ Այլ կերպ իշխանավարել նրանք չեն պատկերացնում։
Երկիրը, երկրի վարկը, անվերադարձ կորուստները, պատերազմը, պատերազմի վտանգը, հանրային համերաշխությունը նրանց չեն հետաքրքրում։ Նրանց սեփական աչքերում իրենց իշխանավոր լինելը հաստատելն ու այն ի ցույց դնելն է հետաքրքրում։
Կարդացեք նաև
