ՀԱՊԿ-ն ուզում է, որ Հայաստանը հստակություն մտցնի կազմակերպությունում իր հետագա աշխատանքի առումով, քանի որ դա օգտակար կլինի պլանավորման հարցերում, նշել է գլխավոր քարտուղարը:
Հայաստանը զգալիորեն կրճատել է իր գործունեության ծավալը որպես ՀԱՊԿ անդամ, այնուամենայնիվ աշխատանքը շարունակվում է, օրակարգում ընդգրկված բոլոր հարցերը քննարկվում են աշխատանքային կարգով, ասել է Տասմագամբետովը news.ru–ին։
Կառույցում չեն օգտագործում «սառեցում» բառը, քանի որ այն արտացոլված չէ ՀԱՊԿ փաստաթղթերում։ Իսկ նախկին ծավալով աշխատանքի վերսկսումը կախված է բացառապես Երևանից։
Գլխավոր քարտուղարը կարծում է, որ ՀԱՊԿ – ին անդամակցելն այն արտոնությունն է, որի միջոցով խելամիտ մոտեցման դեպքում մասնակիցը հնարավորություն է ստանում լիարժեքորեն ապահովել ազգային անվտանգությունը: Հատկապես, եթե մարտահրավերներն ու սպառնալիքները հաճախ գնահատվում են որպես էքզիստենցիալ։
Կարդացեք նաև
«Սպուտնիկ Արմենիա»
