Այսօր ԱԺ նիստում շարունակվում է կառավարության ծրագրի կատարողականի քննարկումը, վարչապետ Փաշինյանը մասնակցում է նիստին:
Նա հանկարծ նիստերի դահլիճից դուրս եկավ ու թիկնապահների ուղեկցությամբ բարձրացավ օթյակ՝ շփվելու ԱԺ այցելած Ներքին Խնձորեսկի դպրոցի աշակերտների հետ:
Լրագրողները հետաքրքրվեցին՝ ՀՀ-Ադրբեջան պետական սահմանի Ներքին Խնձորեսկի հատվածում միջադեպ է տեղի ունեցել, ինչպես ԱԱԾ-ն հայտնել է, մեր քաղաքացիներից մեկը՝ մի հովիվ մոլորված հոտին փնտրելիս հայտնվել է Ադրբեջանի տարածքում ու դրա հետեւանքով երկու կողմերի սահմանապահների կողմից հրաձգություն է տեղի ունեցել, ի՞նչ կասեք այս միջադեպի մասին: Փաշինյանը պատասխանեց, որ քննություն է ընթանում ու քննությամբ կպարզվեն միջադեպի հանգամանքները:
Հարցին՝ մեկ օրում բա ինչպե՞ս պարզվեց, որ ադրբեջանցի այն դիվերսանտը մոլորվել է ու նրան հանձնեցին Ադրբեջանին՝ Փաշինյանը պատասխանեց. «Քննությունը հենց նրա համար է, որ լինի, մեկ օր չի եղել եւ այդ հարցին ես իմ ասուլիսում մանրամասն պատասխանել եմ: Ասուլիսը հրապարակված է, այդ հարցի պատասխանը ճշգրիտ կա»:
Կարդացեք նաև
Փաշինյանը այլ հարցերի չպատասխանեց, անվտանգության աշխատողները թույլ չտվեցին այլեւս մոտենալ վարչապետին:
Հռիփսիմե ՋԵԲԵՋՅԱՆ
