Այսօր ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանին հարցրեցինք՝ երբ հրապարակվեց վարչապետ Նիկոլ Փաշինյանի եւ ՊՆ նախկին նախարար Արշակ Կարապետյանի զրույցը WhatsApp-ով, հայ հանրությունը ցնցվեց, թե ո՞նց կարող են մեր պաշտպանական գերատեսչության ղեկավարները WhatsApp-ով զեկուցում գլխավոր գերագույն հրամանատարին, դո՞ւք էլ եք WhatsApp, Viber, Skype-ի միջոցով շփվում վարչապետի հետ՝ նա պատասխանեց՝ ոչ:
Իսկ Արշակ Կարապետյանի հետ կապված ասաց. «Դուք շատ հարուստ հեռուստաընկերություն եք, մի հատ տոմս առեք, գնացեք Արշակ Կարապետյանին հարցը տվեք, ի՞նչ պրոբլեմ կա՝ դուք, Սաթիկ Սեյրանյանը, Աննա Իսրայելյանը, բոլորը խմբով գնացեք Արշակ Կարապետյանի մոտ: Ես ուզում եմ, որ Արշակ Կարապետյանը գա մեզ մոտ»:
Լրագրողներից մեկն ասաց՝ գա, որ Դավիթ Տոնոյանի ճակատագրի՞ն արժանանա՝ Անդրանիկ Քոչարյանը պատասխանեց. «Բա դուք պատկերացնո՞ւմ եք ինչ ասացիք, որ Արշակ Կարապետյանն էնքան վախկոտ է, որ վախենում է՝ գա իր հայրենիքում հարցերին պատասխանի: Բա պիտի մեկ-մեկ էլ գաս, ոչ թե փախնես, այլ գաս: Բա տեսա՞ք Դավիթ Տոնոյանը, այնուամենայնիվ, մնաց երկրում, ի տարբերություն Արշակ Կարապետյանի»:
Կարդացեք նաև
Հռիփսիմե ՋԵԲԵՋՅԱՆ
