Լևոն Քոչարյանի գործով տուժող համարվող ոստիկան Վարդան Հովհաննիսյանը, որն ամեն օր ՔՊ գրասենյակի մոտ է ծառայություն իրականացնում, կշարունակի գործով տուժող լինել։
«Փաստինֆո»-ի թղթակցի հաղորդմամբ՝ Երևանի ընդհանուր իրավասության քրեական դատարանում՝ դատավոր Կարեն Ֆարխոյանի նախագահությամբ, այսօր կայացել է ՀՀ երկրորդ նախագահ Ռոբերտ Քոչարյանի որդու՝ «Հայաստան» խմբակցության պատգամավոր Լևոն Քոչարյանի և Սերգեյ Ասատուրովի գործով դատական նիստը, որի ընթացքում քննարկման առարկա է դարձվել հետազոտման ենթակա ապացույցների ծավալը։ Փաստաբան Արամ Վարդևանյանը դիրքորոշում հայտնեց՝ նշելով, որ այն չի կարող ենթադրել վկաների անուն-ազգանունի ընթերցումը․ «Հիմա, օրինակ, դատախազը ներկայացրեց Հայկազ Ջոմարդյանի անուն-ազգանունը։ Ես իր ցուցմունքին ծանոթ եմ, բավականին հետաքրքիր ցուցմունք է տվել։ Հիմա որ մասն էր այդ ցուցմունքի, որով մեղադրողը գտնում է, որ կարող է ենթադրյալ առնչությունը հիմնավորել»։
Փաստաբանը հիշեցրեց, որ նույն տեսանյութում նաև երևում է, որ թե ինչպես են Լևոն Քոչարյանին հարվածում, ավելին, այդ տեսանյութից երևում է, որ ԱԺ պատգամավոր Արման Ղազարյանը, որը նույնիսկ որպես վկա չի լսվել, ներկա է եղել, երբ Հրաչիկ Խաչատրյանը և այլ ոստիկաններ սկսում են անհամաչափ գործողություններ իրականացնել։
Փաստաբան Ալեքսանդր Կոչուբաևն էլ միջնորդեց՝ դադարեցնել տուժող Վարդան Հովհաննիսյանի կարգավիճակը՝ պնդելով, որ Լևոն Քոչարյանը նրան չի հարվածել։ Լևոն Քոչարյանը ևս ընդգծեց՝ ով ուզում է ցուցմունք տա՝ Վահե Ղազարյանը, ամբողջ ոստիկանությունը, չեն կարող ապացուցել մի բան, որը չի եղել։
Կարդացեք նաև
Ինչպես հայտնում է «Փաստինֆո»-ն, Հայաստանի եռամարտի ֆեդերացիայի քարտուղար Սերգեյ Ասատուրովի նկատմամբ ընտրված` երկրից բացակայելու արգելք խափանման միջոցը փոխարինվեց գրավով։
Երևանի ընդհանուր իրավասության դատարանը՝ դատավոր Կարեն Ֆարխոյանի նախագահությամբ, բավարարեց պաշտպանի միջնորդությունը՝ որպես խափանման միջոց ընտրելով գրավը՝ 2 մլն դրամի չափով։ Ի դեպ, դատախազը պահանջել էր, որ գրավ կիրառելու դեպքում չափ սահմանվի 5 մլն դրամը։
