Խոշտանգման դեպք է տեղի ունեցել ՀՀ ՆԳՆ ոստիկանության Մասիս բաժնում

Փաստաբան Ռազմիկ Բաղդասարյանի ֆեյսբուքյան գրառումը

Խոշտանգման դեպք է տեղի ունեցել ՀՀ ՆԳՆ ոստիկանության Մասիս բաժնում։

2024 թ․ մարտի 28-ին, ժամը 16։30-ի սահմաններում Մասիս քաղաքի գերեզմանատանը բանվորական աշխատանքներ կատարելու ժամանակ Մասիս քաղաքի ոստիկանության բաժին են բերման ենթարկվել, այնուհետև ձերբակալվել իմ վստահորդներ՝ Է․Հ․-ն և Հ․ Մ․-ն։
Վերջիններս դաժան ծեծի են ենթարկվել նույն բաժնի աշխատակիցների կողմից։

Է․Հ․-ն ստացված վնասվածքների արդյունքում ունի ձախ ականջի պատռվածք և կապտուկներ մարմի տարբեր հատվածներում։
Հ․Մ․-ն ոստիկանության աշխատակիցների խոշտանգման արդյունքում ստացել է ձախ ձեռքի կոտրվածք, այդ թվում նաև վնասվածքներ՝ մարմնի տարբեր հատվածներում։

Կարդացեք նաև

«Երեխաներին դանակով սպառնացել են, սեքսուալ բնույթի գործողություններ են արել, անձին շղթայել են ջեռուցման մարտկոցին»․ ի՞նչ բռնություններ են կատարվում փակ հաստատություններում

• 20:10 20.11.2024

«Խոշտանգումների եւ վատ վերաբերմունքի դեպքերով այս տարի նախաձեռնվել է 230 քրեական վարույթ, դատարան է գնացել ընդամենը 2 գործ»

• 18:44 20.11.2024

«Խոշտանգման դեպքերը լինում են ոչ միայն ուղղակի դիտավորությամբ, այլ նաեւ կրթության պակասից․ ոստիկանության ծառայողը չգիտի՝ ինքն ինչ գործողություն պետք է անի»․ ՆԳՆ պաշտոնյա

• 17:31 20.11.2024

Ոստիկանության աշխատակիցները քրեական վարույթով մեղադրյալ հանդիսացող անձի գործողությունների վերաբերյալ խոստովանական ցուցմունքներ կորզելու նպատակով անմարդկային ձևով խոշտանգել են Մ․Հ.-ին և Հ․Է.-ին:

Խոշտանգման դեպքի վերաբերյալ ներկայացվել են համապատասխան հաղորդումներ, ՀՀ Քննչական կոմիտեի խոշտանգումների և պաշտոնատար անձանց կողմից բռնություն գործադրելով լիազորությունները չարաշահելու կամ անցնելու հանցագործությունների քննության վարչությունում ՀՀ քրեական օրենսգրքի 450-րդ հոդվածով նախատեսված հանցագործության հատկանիշներով նախաձեռնվել է քրեական վարույթ։