«Այսօր Բրյուսելում բարձր մակարդարկով կայացած հանդիպումը առանցքային իրադարձություն է մեր պետության համար: Դեռեւս նախորդ տարի հոկտեմբերին Գրանադայում Վարչապետի եւ Եվրոպական հանձնաժողովի նախագահի հայտարարությամբ ուրվագծվել էր այսօրվա հանդիպման օրակարգը՝ ունենալով տնտեսական եւ դիմակայունության շեշտադրում: Նշվածից առավել, սակայն, կարեւորում եմ հանդիպման բացառիկ ձեւաչափն ու դրա քաղաքական կշիռը:
«Մենք կիսում ենք Հայաստանի ժողովրդի ապագայի տեսլականը: Ուզում ենք, որպեսզի Հայաստանն իր տեղը զբաղեցնի իբրեւ ուժեղ, անկախ պետություն՝ իր հարեւանների հետ խաղաղության մեջ, կապված տարածաշրջանի եւ աշխարհի հետ»:
Բլինքենի այս ուղերձը լավագույնս արտացոլում է ՀՀ շահերի զուգահեռումը ԱՄՆ եւ ԵՄ հետ՝ իբրեւ իրավահավասար գործընկերոջ, որի հզորացմանը նպաստելը Արեւմուտքը համարում է իր օրակարգը:
Հանդիպման արդյունքների վերաբերյալ հայտարարության բովանդակությունը եւս գալիս է փաստելու, որ հանդիպումն ունի բացառապես ՀՀ դիմակայունությանն ու զարգացմանը միտված օրակարգ, ուղղված չէ որեւէ կողմի դեմ, ինչով եւս նպաստում է լարվածության աճի զսպմանը եւ ուղղակիորեն ծառայում մեր պետության որդեգրած խաղաղության օրակարգին»:
Կարդացեք նաև
ՀՀ ԱԺ «Քաղաքացիական պայմանագիր» խմբակցության պատգամավոր Հռիփսիմե Գրիգորյան
«Եվ ուրեմն որն էր այսօրվա հանդիպման առանցքային ուղերձը։ Եվրամիությունն ու Ամերիկայի Միացյալ Նահանգները ցանկանում են Հարավային Կովկասում տեսնել ուժեղ և դիմակայուն Հայաստան, հենց այդպիսի Հայաստանն են համարում կայուն և խաղաղ Հարավային Կովկաս ունենալու գրավականը»։
ՀՀ ԱԺ «Քաղաքացիական պայմանագիր» խմբակցության պատգամավոր Արուսյակ Ջուլհակյան
