Երևանի քրեական դատարանի «Կենտրոն» նստավայրում դատավոր Սուսաննա Գզոգյանի նախագահությամբ «ՎԵՏՕ» շարժման հիմնադիր Նարեկ Մալյանի գործով դատական նիստի ընթացքում Նարեկ Մալյանի պաշտպան Տիգրան Աթանեսյանը բացարկի միջնորդություն ներկայացրեց նախագահող դատավորին։
Նախագահող դատավորը, ուսումնասիրելով միջնորդությունը, որոշեց մերժել այն ու հայտարարեց․ «Նախ՝ դատարանին չներկայացվեցին բավական փաստական տվյալներ, որ առկա է օրենսդրությամբ նախատեսված հիմքերից որևէ մեկը, այն հանգամանքը, որ դատարանը միջնորդությունները մերժում է, թերևս կան միջնորդություններ, որոնք ընդունվել են, դեռևս չի նշանակում, որ դատարանը կողմնակալ է և մի կողմի՝ հատկապես պաշտպանական կողի նկատմամբ ունի կանխակալ վերաբերմունք»։
Այս որոշումը հրապարակելուց հետո դատական նիստերի դահլիճում գտնվողները գոչեցին՝ ամոթ, ամոթ։
Կարդացեք նաև
Դատավորն ասաց՝ եթե նման վարքագիծը կրկնվի դատական նիստերի դահլիճում, դատարանը կկիրառի դատական սանկցիա, դատական նիստը կիրականացվի դռնփակ․ որևէ լրագրող, անձ, չի կարողանա մասնակցել դատական նիստերին։
Տաթև ՀԱՐՈՒԹՅՈՒՆՅԱՆ
