Հնդկաստանի քաղաքացիներից ՀՀ քաղաքացիություն ստանալու դիմումներ գրեթե չկան։ Այս մասին Ազգային ժողովում լրագրողների հետ ճեպազրույցում ասաց ՆԳՆ Միգրացիայի եւ քաղաքացիության ծառայության ղեկավար Արմեն Ղազարյանը՝ անդրադառնալով Հնդկաստանից դեպի Հայաստան հոսքին։
«Վերջին երկու տարիների ընթացքում տարեկան կտրվածքով մեր քաղաքացիության դիմումներն արդեն գերազանցում են 20 հազարը։ Եվ այդ դիմողների ճնշող մեծամասնությունը Ռուսաստանի Դաշնությունից մեր հայրենակիցներինն են, 90 տոկոսը ազգությամբ հայեր են»,-ասաց Ղազարյանը։
Հարցին, թե Ռուսաստանից քանի՞ մարդ է տեղափոխվել Հայաստան ու մնացել այստեղ, Արմեն Ղազարյանը պատասխանեց. «Ես կարող եմ ասել կացության կարգավիճակի եւ հաշվառումների հիման վրա։ Եվ կացության կարգավիճակ ստացածների, եւ հաշվառվածների ընդհանուր համադրությունը շուրջ 70 հազարի կարգի է»։
Կարդացեք նաև
Ռոզա ՀՈՎՀԱՆՆԻՍՅԱՆ
