Ռուբեն Վարդանյանի գործունեության կարևոր ուղղություններից մեկը միշտ եղել է պատմամշակութային և հոգևոր ժառանգության պահպանումը: Ընդ որում՝ նա ոչ միայն Հայաստանում ու Արցախում է վերականգնել ու վերակառուցել պատմամշակութային հուշարձանները, այլև մեր հայրենիքի սահմաններից դուրս: Քչերը գիտեն, որ նրա նախաձեռնությամբ ու աջակցությամբ են վերականգնվել Թբիլիսիի Սուրբ Գեւորգ տաճարը (13-րդ դար), Սինգապուրի Սուրբ Գրիգոր Լուսավորիչ եկեղեցին (19-րդ դար), Իրանում գտնվող հայտնի Թադեի վանքը (6-9 դարեր):
Նա մեծ հարգանք ուներ ոչ միայն մեր ազգային, այլև այլոց ժառանգության նկատմամբ: 2019 թվականին Ռուբեն Վարդանյանի ջանքերով է վերանորոգվել Շուշիում գտնվող և իրանական մշակութային ժառանգության հուշարձան հանդիսացող Գոհար տիկնոջ վերին մզկիթը: «Մենք մշակութային արժեքներ ունենք Երուսաղեմում, Սինգապուրում, Վրաստանում, Իրանում և այլ վայրերում: Մեզ համար կարևոր է, որ դրանք պահպանվեն: Եթե մենք ուզում ենք, որ մյուս երկրներում հարգեն ու պահպանեն մեր մշակույթը, մենք էլ պիտի հարգենք ուրիշներինը այստեղ»,-մզկիթի վերաբացմանն ասել էր Ռուբեն Վարդանյանը:
Նրան հաջողվում էր այդ գաղափարների շուրջ համախմբել իր համախոհներին ու ընկերներին, ու այդ հավաքական ներուժն ուղղել համազգային նշանակության ծրագրերի իրագործմանը:
Կից տեսահոլովակը Ռուբեն Վարդանյանի նախաձեռնությամբ իրականացված պատմամշակութային և հոգևոր ժառանգության պահպանման ծրագրերի մասին է:
Կարդացեք նաև
ՌՈՒԲԵՆ ՎԱՐԴԱՆՅԱՆԻ ԳՐԱՍԵՆՅԱԿ
