Տուժողը հանել էր «ահաբեկչի» գլխի զուգագուլպան. տեսել կարմիր մազեր ունեցող կնոջ

Գեղարքունիքի մարզի առաջին ատյանի ընդհանուր իրավասության դատարանի դատավճռով 8 տարվա ազատազրկման է դատապարտվել Ռուզաննա Տուդոյանը:

Նրա պաշտպանը դիմել է վերաքննիչ քրեական դատարան՝ պահանջելով մասնակի բեկանել դատավճիռը: Երեկ վերաքննիչ քրեական դատարանից տեղեկացանք, որ հայտնի է դատարանի կազմը՝ Գրիգոր Հովհաննիսյան, Կարեն Հովհաննիսյան, Լուսինե Ալավերդյան: Ապրիլի 18-ին բողոքի քննությունն է:

Առաջին ատյանի դատարանը հաստատված էր համարել մեղադրանքը, այն, որ Ռ. Տուդոյանը մեկ տարի առաջ նույն այս օրը Վարդենիսի Լեռնագործների փողոց 1/2 հինգհարկանի շենքի տներից մեկն է մտել զուգագուլպայով՝ գլխին սեւ գույնի, աջ ձեռքին դանակ, ձախ ձեռքին դեզադոր, որը փչել է տուժողի աչքերի մեջ, նրան հրել՝ գցել է գետնին, քաշել պոկել է պարանոցի ոսկյա շղթան խաչով, ոսկյա ականջօղերը: Տուժողը դիմադրել է, հանել է «ահաբեկչի» զուգագուլպան՝ կարմիր մազեր ուներ:

Նա պահանջել է տան ամբողջ ոսկեղենն ու գումարը, ահաբեկված՝ տուժողը նրան նաեւ տվել է խոհանոցի պահարանում դրված՝ իրենց ունեցած 70.000 դրամ գումարը: Ոսկեղենի մոտավոր արժեքը 300.000 դրամ է:

Կարդացեք նաև

Ադրբեջանական բռնազավթման հետեւանքով որքա՞ն վնաս է կրել Գեղարքունիքի տնտեսությունը․ մարզի իշխանությունները խուսափում են անվտանգային հարցերից

• 13:50 02.11.2024

Կյանքը՝ թշնամու թիրախում հայտնված Սոթքում․ «70 տոկոսով կրճատվել է անասնապահությունը, հողերը ադրբեջանական դիտարկման տակ են»

• 17:05 30.10.2024

«Մենք ունենք մեր տարածքից օկուպացված տարածքներ, եւ վստահ եմ, որ այդ տարածքներից հակառակորդը դուրս է գալու»․ Գեղարքունիքի մարզպետ

• 14:02 17.10.2024

Ռուզան ՄԻՆԱՍՅԱՆ

«Առավոտ» օրաթերթ
28.03.2024