ԱԺ պաշտպանության եւ անվտանգության հարցերի մշտական հանձնաժողովի նիստում «Հայաստան» խմբակցության պատգամավոր Գեղամ Նազարյանը հարցրեց Ներքին գործերի նախարար Վահե Ղազարյանին․ «Ներքին գործերի նախարարությունն ունի՞ վիճակագրություն՝ արցախցի քանի՞ ոստիկան կամ փրկարար է աշխատանքի անցել Հայաստանում իր մասնագիտությամբ։ Խնդիր դրե՞լ եք այդ մարդկանց ներգրավել այդ աշխատանքում»։
«Անցած տարվա վերջին ես հանդիպում եմ կազմակերպել Լեռնային Ղարաբաղի Ներքին գործերի նախարարի եւ իրենց ղեկավար կազմի հետ։ Եվ մենք ասել ենք՝ մեր դռները ձեր առաջ բաց են։ Այսօր արդեն 5 հոգի ունենք աշխատող, ընդհուպ՝ բարձրաստիճան անձ։ Մենք պայմանավորվել ենք, որ մեր դռներն իրենց առջեւ բաց են։ Ուղղակի այնտեղ մի քիչ սպեցիֆիկ հարցեր կան, այնտեղ գեներալների, այլ կոչումների հարց կա։ Ասել եմ՝ խնդիր չկա, կարող եք վարչություններում տեղավորվել, մեծ սիրով կարող ենք ձեզ ընդունել եւ գաք աշխատեք»,- ասաց Վահե Ղազարյանը։
Հանձնաժողովի նախագահ Անդրանիկ Քոչարյանը հարցրեց․ «Ստեփանակերտի ոստիկանապետն էլ էր գեներա՞լ, որ Ջրվեժում մի քանի միլիոնանոց ռեստորանն առել է»։ Վահե Ղազարյանն ասաց, որ չգիտի։
Նա նշեց, որ ՆԳՆ տարբեր կառույցներում փորձում են աշխատանքի տեղավորել Արցախից բռնի տեղահանված անձանց։
Կարդացեք նաև
Ռոզա ՀՈՎՀԱՆՆԻՍՅԱՆ
