Պաշտպանության փոխնախարար Արման Սարգսյանից լրագրողները հետաքրքրեցին՝ Տավուշի մարզի գյուղերի մասով վերջնական որոշում կա՞, ի՞նչ է լինելու առաջիկայում։
«Ամեն ինչի մասին խոսվում է եւ բաց, եւ թափանցիկ, հանրությունը քննարկում է, կարծում եմ՝ լրատվության, վերլուծությունների ու տեսակետներ հայտնելու պակաս որեւէ մեկը չունի»,- ասաց Սարգսյանը։
Պաշտպանության փոխնախարարը հրաժարվեց պատասխանել լրագրողների մյուս հարցերին։ «Պաշտպանության ոլորտի ղեկավարները որեւէ մտահոգիչ քայլ չեն անում»,- ասաց նա։
Նիկոլ Փաշինյանը Տավուշի մարզում բնակչության հետ հանդիպման ժամանակ սպառնացել էր, որ եթե գյուղերը չհանձնվեն թշնամուն, շաբաթվա վերջին պատերազմ կլինի։ Լրագրողները Արման Սարգսյանից հետաքրքրվեցին՝ պատերազմի վտանգ կա՞։ «Մենք նոր փակ քննարկում ենք իրականացրել, ցտեսություն ձեզ»,- ի պատասխան ասաց Սարգսյանը։
Կարդացեք նաև
Ռոզա ՀՈՎՀԱՆՆԻՍՅԱՆ
