«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանի ֆեյսբուքյան գրառումը
Երբ իշխանությունը ուժային անարդարություններ է գործում` դա առաջացնում է հանրության ռադիկալիզացիա։
Երբ պատերազմին իրապես (և շատ արդյունավետ) մասնակցած անձանց հետ խոսելու փոխարեն ոստիկանական ապօրինի ռեպրեսիաներով ես շփվում` պետք չի զարմանալ, որ մի քանի հոգի էլ կարող է նռնակներով ոստիկանություն մտնեն։ Դա լավ չի, բայց դա սպասելի է։
Այո, Վերին Ոսկեպարում վարժանք անելը ակնհայտ սադրանք է, և Բաքվին հիմք է տալիս աշխարհին ասելու, որ «իմ տարածքում հայկական ինչ-որ խմբեր զորավարժություն են անում, իրենք ահաբեկիչ են, մենք հակաահաբեկչական գործողություն ենք սկսում»։ Եվ դա, ցավոք, որոշ չափով կընդունվի աշխարհում։
Կարդացեք նաև
Բայց դրա դեմ ոստիկանության ապօրինի ռեպրեսիաներով չեն պայքարում։ Դա պետք է մարդկանց բացատրել, համոզել։ «Մարտական միաբանությունը» ոչ 5-րդ շարասյուն է, ոչ էլ նախկին կոռուպցիոներների խումբ։ Հայրենասեր ժողովուրդ են, բացատրելով ամեն ինչ էլ կհասկանան։
Ես կարծում եմ, որ վարչապետ Նիկոլ Փաշինյանը պետք է հանդիպի «Մարտական միաբանության» կորիզի հետ ու բացատրի ստեղծված իրադրությունն, ինչպես նաև պատասխանի իրենց հուզող հարցերին (այդ թվում բանակի մասով)։
Հայաստանի անկախացման կողմնակից ուժերը չեն կարող իրար հետ շփվել ոստիկանական ռեպրեսիաներով։ Առհասարակ, ոստիկանական ռեպրեսիաներով լավ տեղ չենք հասնելու։
