«Հայաստանի Հանրապետության շուրջ ստեղծված անվտանգային իրավիճակով պայմանավորված՝ 2023 թվականը բավական բարդ տարի էր Պաշտպանության նախարարության եւ ողջ զինված ուժերի համար»,- ԱԺ պաշտպանության եւ անվտանգության հարցերի մշտական հանձնաժողովի նիստում ասաց պաշտպանության նախարար Սուրեն Պապիկյանը՝ ներկայացնելով կառավարության ծրագրի 2023 թվականի կատարման արդյունքը։ Նա նշեց, որ տարվա ընթացքում զորքերը հիմնականում գտնվել են մարտական տարբեր պատրաստականության աստիճաններում, իսկ կառավարման մարմիններն աշխատել են ուժեղացված աշխատանքային ռեժիմներով։
«Մայիս եւ սեպտեմբեր ամիսներին, անվտանգային իրավիճակի սրմամբ պայմանավորված, զինված ուժերը բերվել են պատրաստականության տարբեր աստիճանների։ Մարտական հերթապահությունը եւ դրան զուգահեռ մարտական բարձր պատրաստականության պայմաններում ծառայությունն իրականացվել է զինված ուժերի կարողությունների վերականգնման, վերակազմավորման եւ համալրման գործընթացներին զուգահեռ, որոնց զգալի մասն իրականացվել է՝ քաղված դասերը հաշվի առնելով ու միջազգային չափորոշիչների կիրառմամբ»,- ասաց նախարարը։
Պապիկյանը նշեց, որ պաշտպանության նախարարության կողմից իրականացվող պետական բյուջեի գործառնական դասակարգման թվով հինգ ծրագրերով 2023 թվականի տարեկսզբին հատկացվել են 517․28 մլրդ դրամ ֆինանսական միջոցներ, որը տարվա ընթացքում ավելացել է 9․19 մլրդ դրամով եւ կազմել 526․47 մլրդ դրամ։ Կատարողականը կազմել է 99․8 տոկոս։
Կարդացեք նաև
Ռոզա ՀՈՎՀԱՆՆԻՍՅԱՆ
