«Մարտական եղբայրության» անդամ Հրանտ Տեր-Աբրահամյանի կնոջ՝ Գայանե Ղազարյանի ֆեյսբուքյան գրառումը
«Մարտական եղբայրության» անդամներ և աջակից քաղաքացիներ բերման են ենթարկվել ապօրինի զենքի կասկածանքով։
Բանն այն է, որ երեկ փոխոստիկանապետ Վարդան Վարդանյանը, Հրանտ Տեր-Աբրահամյանին հրավիրելով զրույցի, պնդել էր, որ «ասըմ եմ՝ դուք տե չեք էթալու», քանի որ տեղեկություններ ունեն, որ կիրակի և միմիայն կիրակի Ադրբեջանը դիվերսիա է նախատեսում Ոսկեպարում, ուստի կարիք կա պաշտպանելու ՀՀ քաղաքացիներին և հորդորելու հեռու մնալ վտանգավոր տեղերից։
Իսկ այսօր արդեն Ոսկեպար մեկնողների հավաքատեղիում նախապես սպասում էին մի քանի ավտոբուսներ ու մի քանի տասնյակ մեքենա ոստիկան, ու սա` միայն Պլանի գլխում։
Նույն պատկերը Ոսկեպարում էր, որտեղ ավելի շատ ոստիկան էր հավաքվել, քան հասարակ քաղաքացի։
Այսինքն` Ադրբեջանի կողմից նախատեսվող ենթադրյալ դիվերսիայի օրով տեղում գոյություն չուներ որևէ զինված ուժ` պաշտպանելու Հայաստանի սահմանները, փոխարենը Հայաստանի ոստիկանությունը պաշտպանում էր Ադրբեջանի «սահմանները»։
Կարդացեք նաև
Հիմա հարց. վերջը դիվերսիա՞ էր նախատեսվում, թե՞ ապօրինի զենք էր կասկածվում։
Ո՛չ դիվերսիան տեղի ունեցավ, ո՛չ 49-ի մոտ ապօրինի զենք հայտնաբերվեց։
Եվ ուրեմն պարզ եզրակացություն. վերևից հրահանգված էր խափանել այցն արդեն Ադրբեջանին խոստացված և ներքին պայմանավորվածությամբ հանձնված տարածքներ, քանի կկվին համոզել են, թե երրորդ ձագի հետևից չեն գա։
Իսկ համոզել են, որովհետև ոչինչ ավելի թանկ չի, քան աթոռը` թեկուզ քաղաք-պետությունում, թեկուզ գուբեռնիայում, թեկուզ վիլայեթում։
