Պաշտոնական վերջին տվյալներով` Մոսկվայի «Կրոկուս Սիթի Հոլլ»-ում զոհերի թիվը հասավ 115-ի։ Այս մասին հայտնում է Ռուսաստանի քննչական կոմիտեն։
«Ահաբեկչության վայրում՝«Կրոկուս Սիթի Հոլլ» համերգային դահլիճում փլատակների մաքրման ժամանակ արտակարգ ծառայությունները նորից հայտնաբերել են զոհվածների մարմիններ։ Այդպիսով` զոհերի թիվը տվյալ պահին կազմում է 115 մարդ։ Որոնողական աշխատանքները շարունակվում են», – նշված է ՌԴ ՔԿ հաղորդագրությունում։
Մարտի 22-ի երեկոյան մի խումբ զինված տղամարդիկ ինքնաձիգներից կրակ են բացել Մոսկվայի «Կրոկուս Սիթի Հոլլ»-ում, ինչից հետո տեղում պայթյուն է տեղի ունեցել և հրդեհ է բռնկվել: Ավելի վաղ հաղորդվել էր նախ առնվազն 40, հետո՝ 60, ապա՝ 93 զոհերի և 100-ից ավելի վիրավորների մասին:
Թարգմանությունը՝ Azatutyun.am-ի
