Ստոլտենբերգի «վոյաժը» Հարավային Կովկասի երկրներին եվրատլանտյան ազդեցության գոտի ներքաշելու հերթական փորձն է. արտաքին քաղաքականության արդի հարցերի վերաբերյալ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան:
«Բանն այն է, որ տարածաշրջանում խնդիրները կարծես թե պակասել են, իսկ Արեւմուտքում ո՞ւմ կարող է դա ձեռնտու լինել: Այստեղից էլ այդ երկրների հարաբերությունները միմյանց և ՌԴ-ի հետ փչացնելու չդադարող փորձերը»,-նշել է Զախարովան:
Զախարովայի խոսքով՝ վերջին շրջանում ակտիվություն է նկատվում հայկական ուղղությամբ. Երևանին է պարտադրվում «անհատական ադապտացիա Հայաստան-ՆԱՏՕ գործընկերության մեջ» ծրագիրը: Նրանց ջանքերն ուղղված են Երևանի և Մոսկվայի հարաբերությունների վարկաբեկմանը, ինչպես նաև շփումների ամբողջական դադարեցմանը։
