Սեփական բնակչությանն ահաբեկելը հազիվ թե Երևանին ձեռնտու տարբերակին հասնելու լավագույն միջոցն է. արտաքին քաղաքականության ընթացիկ հարցերի վերաբերյալ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան:
«Մոսկվան պատրաստ է ամեն կերպ աջակցել սահմանների դելիմիտացիային և երկու երկրների հարաբերությունների կարգավորմանը։ Եվ այն, ինչ հնչեցրել է Հայաստանի վարչապետը, որևէ կերպ չպետք է ասոցացվի Ռուսաստանի հետ, դա բացառապես այն է, ինչ երկրի ղեկավարությունը որոշել է՝ շփվելով Արևմուտքի հետ։ Ուզում եմ, որ Արևմուտքի ազդեցության տակ իրենց բոլոր քայլերի համար պատասխանատվություն կրեն բացառապես նրանք, ովքեր Երևանում որոշում են կայացնում։ Եվ դա մենք փոխանցել ենք, այդ թվում ՝ երկկողմ խողովակներով»,-նշել է ՌԴ ԱԳՆ պաշտոնական ներկայացուցիչը:
